Liebi Fasnächtler
Unseri Schnägge Fasnacht isch für das Joor Gschicht. Mir luege trotz e baar Diefpünggt uf e seer schöni Zyt zrugg.
S'Fasnachts Comité ladet Euch härzlig zur jöörlige Schlusssitzig vo dr Oberwiler Fasnacht 2023 y.
Die findet am: Frytig, 24.Merz 2023 am 8i z'Obe im APH "Drei Linde" statt.
Mr wärde über folgendi Teeme diskudiere:
-Guets und schlächts an dr Fasnacht
-Aregige vo Euch ans Comité und dr ander Wäg
-Verschiebig vom Umzug uf dr Samschtig
-Vorschtellig vomene zuekünftigie Projäggt vom Comité
Mir würdes begriesse, wenn dir Euch innerhalb vo dr Gligge schoo im Vorfäld dien usstusche.
Als Abchluss wird "s'Goldig Schnäggli" für dr beschti Oberwiler Wage verleit.
E Amäldig für dä Alass bis am 10. Merz isch unerlässlig, mit Agoob vo dr Personezaal wo vo Euch chömme.

Gruess i. U. Tobi Fasnachts Comité Oberwil